أسئلة مهمة عن الأسنان (الجزء الأول)

قام بكتابته د. ندي أيمن الدوح في 09 يوليو 2017

سامووو عليكوا

المقال دا هيكون عن الاسئلة اللى بتسألها كتيييييير 🙄

السؤال الاول ؛ انا ابنى كان عندوا سنتين قدام صغيرين وشكلهم كيوت اوى بس وقعوا وطلع بدلهم سنتين كبار وشكلهم وحش اوى مينفعش بقى نخلعهم علشان شكلهم مش عجبنى 😎

الصراحة الاول كنت بتنح 😮بس خلاص انا اتعودت الاجابة بقى علشان مطولش عليكوا هى ان السنتين اللى قدام دول اللى احنا بنقول عليهم سنان الارنب🤓🤓 دول حضرتك اللى ابنك هيعيش بيهم بقيت حياته ربنا يديله طولت العمر الفكرة بقى فإن السنان مبتكبرش ف الحجم مع العمر هى لما الطفل بيبدل بتطلع بنفس الحجم اللى هتكون عليه لما يكبر بمعنى ان الشخص وهو صغير بيكون فكوا صغير وبقوا صغير 😋 و وشه صغير كل لما بيكبر كل دا بيكبر معاه إلا الاسنان لما بتطلع بتكون بنفس الحجم اللى لما يكبر ونموه يكتمل هتتناسب مع شكل وشه الكبير علشان كدا مينفعش نخلعها ولا نقصرها ولا نعملها تقويم هنسبها زى ما هى كدا 😊😊

السؤال التانى ؛ انا يا دكتورة اسنانى مش متساوية عايزة بقى ايه ابردهم واقصرهم وخليهم كلهم متساوييين نفس الطول

actually i feel like this 😨😨

يا جماعة ربنا خلق الاسنان لا متساوية ف الحجم ولا فى الطول الطبيعى انهم يكونوا كدا بس اكيد بردوا ف نسبة وتناسب🙄

دا غير بقى ان الاسنان عليها طبقة اسمها طبقة المينا

ودى اللى بتحمى من حساسية الاسنان للحاجات الباردة او السخنة وكمان تعتبر اقوى طبقة وهى اللى بتقاوم التسوس ف لو انا بردت الاسنان معنى كدا انى بقلل سمك طبقة المينا وبالتالى هيكون فى حساسية ف الاسنان😖 و بزود وبسرع من تسوس الاسنان و دا مش صح يا جماعة 😊😊







شارك هذا المقال على

العودة للمقالات الطبية